टीम मंगळवेढा टाईम्स।
लोकसभा निवडणुकीच्या प्रचारासाठी सर्वपक्षीय उमेदवार आश्वासनांची खैरात असलेले साहित्य वाटप करीत आहेत. या प्रचार पत्रकांवर मुद्रक, प्रकाशक यांचे नाव असायला हवे.
यात हयगय झाल्यास प्रिटिंग प्रेस मालकाचा शोध घेऊन गुन्हा दाखल करू, असा इशारा जिल्हा निवडणूक कार्यालयाने दिला आहे.
जिल्हा निवडणूक कार्यालयाने प्रचार करताना नियमांचे उल्लंघन करू नका, असे आदेश दिले आहेत. लोकप्रतिनिधित्व अधिनियम १९५१ च्या कलम १२७ क द्वारे निवडणूक पत्रकांच्या छपाईवर आणि प्रसिद्धीवर निबंध आहेत.
उमेदवाराने प्रत्येक पत्रक, हस्तपत्रक, घोषणा फलक किंवा भित्तिपत्रके लावण्यापूर्वी त्याची प्रत निवडणूक कार्यालयाकडे सादर करणे बंधनकारक आहे. यात आक्षेपार्ह मजकूर असतील तर आयोगाकडून तत्काळ हटविण्याचे निर्देश निवडणूक कार्यालयाच्या मीडिया सेलकडून दिले जातात.
काँग्रेस, भाजपसह इतर पक्षांच्या उमेदवारांकडून सध्या प्रचाराच्या ठिकाणी पत्रकांचे वाटप केले जात आहे. उमेदवारी अर्ज दाखल केल्यानंतर मोठ्या प्रमाणावर हे साहित्य वाटप होण्याची शक्यता आहे.
काय होईल शिक्षा
निवडणूक आयोगाच्या नियमांचे उल्लंघन करणाऱ्यांना सहा महिन्यांपर्यंत शिक्षा होऊ शकते. दोन हजारांपर्यंतचा दंड होऊ शकतो किंवा या दोन्ही शिक्षा एकाच वेळी होऊ शकतात, असे जिल्हा निवडणूक निर्णय अधिकारी कुमार आशीर्वाद यांनी यापूर्वीच स्पष्ट केले आहे.(स्रोत:लोकमत)
तर कडक कारवाई होणार
सोलापूर आणि माढा लोकसभा मतदारसंघात आदर्श आचारसंहिता लागू आहे. या काळात संबंधित मुद्रक, प्रिंटर्स यांनी प्रचार साहित्य व इतर छपाईबाबत विशेष काळजी घेणे आवश्यक आहे. जिल्हा निवडणूक कार्यालयाची पथके दोन्ही मतदारसंघांत कार्यरत आहेत. कुठेही आचारसंहितेचा भंग होत असेल तर कडक कारवाई होणार. कुमार आशीर्वाद, जिल्हा निवडणूक निर्णय अधिकारी.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
