टीम मंगळवेढा टाईम्स ।
मंगळवेढा तालुक्यातील हुलजंती येथील ग्रामपंचायत कार्यालयातून एक हजार रुपये किमतीचे शासकीय रजिस्टर चोरून नेल्याप्रकरणी बिराप्पा मल्लाप्पा कोटे याच्याविरूध्द गुन्हा दाखल झाला आहे.
पोलिस सुत्रांनी दिलेली माहिती अशी , यातील फिर्यादी रविंद्र सिद्राम सोनवणे (रा . उमदी ) हे हुलजंती येथील ग्रामपंचायत कार्यालयात ३० जून २०१७ ते १२ ऑगस्ट २०२० या कालावधीत ग्रामसेवक म्हणून कार्यरत होते.
दि . १० ऑगस्ट २०२० रोजी सकाळी १० वा . ग्रामपंचायत कार्यालयात ग्रामसेवक तथा फिर्यादी कामकाज करत बसले होते.
यावेळी शिपाई दिलीप भोरकडे , लिपीक संतोष जामदार , पाणीपुरवठा शिपाई सिदगोंडा येड्डे असे हजर असताना यातील आरोपी बिराप्पा कोटे यांनी नजर चुकवून ग्रामपंचायत नमुना नं . ८ चे रजिस्टर घेऊन पळून गेला.
या दरम्यान पाठीमागे शिपाई दिलीप भोरकडे हा पळत गेला . मात्र तो मिळून आला नाही.
सदर रजिस्टरमध्ये ग्रामपंचायत नमुना ८ चे असेसमेंट रजिस्टर २०१६-१७ व २०१ ९ २० चे संपूर्ण गावचे घरजागा मालकीचे हक्काचे रजिस्टर १ हजार रुपये किमतीचे असल्याचे दिलेल्या फिर्यादीत म्हटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
