टीम मंगळवेढा टाईम्स ।
कोरोनाच्या विरोधात सर्वशक्तीनिशी लढून सोलापूर जिल्हा कोरोनामुक्त करण्यासाठी दहा महिन्यांपासून शर्थीचे प्रयत्न करणारे जिल्हाधिकारी ते मिलींद शंभरकर यांना दुसऱ्यांदा कोरोनाची लागण झाली आहे. ते अश्विनी सहकारी रुग्णालयात उपचार घेत आहेत.
गतवर्षी ऑक्टोबर महिन्यात त्यांना पहिल्यांदा याची लागण झाली होती मात्र पुन्हा विषाणूने संसर्गित झाले आहेत.नागरिकांनी गाफील न राहता बाहेर जाताना मास्क व सामाजिक अंतर ठेवून कोरोनापासून बचाव करण्याचे भावनिक आवाहन त्यांनी यावेळी केले.
डॉ.शंभरकर यांना २६ फेब्रुवारी रोजी कोरोनाची लस देण्यात येणार होती.सर्व सोलापूर जिल्हावासीयांनी मास्क, फिजिकल डिस्टन्स, सॅनिटायझरचा वापर करून कोरोनापासून स्वतःचे संरक्षण करावे.स्वतःच्या कुटुंबीयांची काळजी घ्यावी असे भावनिक आवाहन जिल्हाधिकारी शंभरकर यांनी केले आहे.
गत वर्षातील जानेवारी महिन्यात शंभरकर हे सोलापुरात रुजू झाले.जिल्हाधिकारी पदाचा पदभार घेतल्याच्या अवघ्या महिनाभरातच सोलापूर शहर-जिल्ह्यात कोरोनाने शिरकाव केला. दहा महिन्यांपासून त्यांनी जिल्हा कोरोनामुक्त करण्यासाठी शर्थीचे प्रयत्न केले.
वारंवार प्रशासनासोबत बैठका घेऊन आरोग्य विभागाच्या अधिकारी व कर्मचाऱ्यांना सूचना करून योग्य ते मार्गदर्शन केले. त्यामुळे सोलापूर शहर-जिल्ह्यात झपाट्याने वाढत चाललेल्या कोरोनाला नियंत्रणात आणण्यात जिल्हाधिकाऱ्यांना यश मिळाले.
गत वर्षातील ऑक्टोबर महिन्यात त्यांना कोरोनाची लागण झाली होती. त्यांनी कोरोनावर मात करून पुन्हा जिल्ह्याच्या सेवेत ते व्यस्त झाले. झपाट्याने कोरोना बाधितांची संख्या कमी होऊ लागल्याने त्यांनी सोलापूर शहर – जिल्ह्याच्या विकासाला गती दिली.
प्रलंबित कामे तात्काळ मार्गी लावण्याच्या सूचना त्यांनी प्रशासनाला केल्या होत्या. लॉकडाऊनच्या नंतर आता कुठे जिल्ह्याच्या विकासाला गती मिळत होती.जिल्हाधिकारी शंभरकर हे पॉझिटिव्ह आल्याने पुन्हा एकदा जिल्ह्याच्या विकासाला ब्रेक लागण्याची शक्यता आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
