सिद्धापूर फेस्टिवलमध्ये विविध क्षेत्रातील ‘या’ व्यक्तींना पुरस्कार वितरण; अभ्यासिका होण्यासाठी आ.आवताडे यांच्या माध्यमातून सर्वतोपरी प्रयत्न करणार; सोमनाथ आवताडे

टीम मंगळवेढा टाईम्स ।

सिद्धापूर येथे आर बी सी ग्रुपच्या वतीने गेल्या 23 वर्षापासून अखंडितपणे सिद्धापूर फेस्टिवलच्या माध्यमातून या पंचक्रोशीतील व तालुक्यातील विविध क्षेत्रातील कलाकारांसाठी हक्काचे व्यासपीठ उभारले आहे.

या भागातील युवकांसाठी स्पर्धा परीक्षेच्या स्पर्धेसाठी मागणी होत असलेल्या अभ्यासिका उभारण्यासाठी आमदार समाधान आवताडे यांच्या माध्यमातून सर्वतोपरी प्रयत्न करू असा विश्वास मार्केट कमिटीचे माजी सभापती सोमनाथ अवताडे यांनी बोलताना व्यक्त केले.

कै.रामगोंडा बापूराव चौगुले यांच्या 23 व्या स्मृतिदिनानिमित्त रामगोंडा बापूराव चौगुले बहुउद्देशीय संस्था सिद्धापूर संचलित आर बी सी इंग्लिश मीडियम स्कूल व ज्युनिअर कॉलेज यांच्या वतीने सिद्धापूर फेस्टिवल उत्साहात पार पडले,या फेस्टिवलच्या उद्घाटन प्रसंगी प्रमुख पाहुणे म्हणून सोमनाथ अवताडे बोलत होते.

वार्षिक स्नेहसंमेलन व विविध पुरस्कार वितरण सोहळ्यास माजी सभापती प्रदीप खांडेकर, माजी उपसभापती रमेश भांजे, माजी जिल्हा परिषद सदस्य बापूराया चौगुले, मार्केट कमिटीचे संचालक गंगाधर काकणकी,

युवक नेते सचिन चौगुले, दामाजीचे माजी संचालक प्रमोदकुमार म्हमाणे, अरळीचे सरपंच आमगोंडा भांजे, धाऱ्यापा सावळे,बंडू गडदे,योगेश गरंडे, सरपंच रसूल मुलाणी, युवा नेते सागर खबाले यांच्यासह आधी मान्यवर उपस्थित होते.

विविध क्षेत्रातील ‘या’ गुणी जणांचा सन्मान

या कार्यक्रमात विविध क्षेत्रातील गुणी जणांचा सन्मान सोहळा म्हणून साहित्य क्षेत्रातून शब्दांकन पुरस्काराने पुष्पा मिसाळ कवियत्री सांगोला, कृषी क्षेत्रातून कृषीरत्न पुरस्काराने श्री विठ्ठल बिराजदार सोनलगी ता जत, शिक्षण क्षेत्रातून आदर्श शिक्षकरत्न पुरस्काराने श्री रत्नाकर माळी कोल्हापूर,

स्वच्छ शाळा सुंदर शाळा पुरस्काराने ज्ञानागण पुरस्कार श्री संगमेश्वर प्रशाला हत्तरसंग दक्षिण सोलापूर, पत्रकारिता क्षेत्रातून जनमित्र पुरस्कार संगमेश जेऊरे सोलापूर, सामाजिक क्षेत्रातून एम के फाउंडेशन सोलापूर संस्थापक महादेव कोगनूरे,

राजकीय क्षेत्रातून उदयोन्मुख राजकीय पुरस्कार श्री विवेक खिलारे सोलापूर जिल्हा अध्यक्ष भाजप ओबीसी मोर्चा डोंगरगाव, कौटुंबिक संस्कार आदर्श पालक म्हणून सावित्री पाटील बोराळे, वैद्यकीय क्षेत्रातून आरोग्यरत्न पुरस्काराने डॉक्टर प्रीती शिर्के मंगळवेढा यांना पुरस्कार मान्यवराच्या हस्ते प्रदान करण्यात आला.

या सोहळ्यास तालुक्यातील तसेच पंचक्रोशीतील विविध संस्थांचे पदाधिकारी, पक्षाचे पदाधिकारी शिक्षण प्रेमी नागरिक मोठ्या संख्येने उपस्थित होते.

सिद्धापूर फेस्टिवल उत्साहात पार पडण्यासाठी आरबीसी परिवाराचे पदाधिकारी, आरबीसी इंग्लिश मीडियम स्कूलचे सर्व शिक्षकानी प्रयत्न केले.

या कार्यक्रमाचे सूत्रसंचालन जितेंद्र लाड यांनी तर प्रस्थाविक सचिन मळगे,शेवटी आभार प्रदर्शन आर बी सी इंग्लिश मीडियम स्कूल अँड ज्युनिअर कॉलेजचे संस्थापक गजानन पाटील सरांनी केले.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज