टीम मंगळवेढा टाईम्स।
पैशाच्या व्यवहारासंदर्भातील बैठकीदरम्यान झालेल्या मारहाणीमुळे गर्भपातास कारणीभूत झाल्याप्रकरणी समदानी मत्तेखाणे यांच्यासह ४ जणांना मुंबई उच्च न्यायालयाने अटकपूर्व जामीन मंजूर केला.
यातील आरोपी समदानी होता. मत्तेखाणे व फिर्यादी महिलेचे दीर यांच्यामध्ये पूर्वी झालेल्या पैशाच्या व्यवहारासंबंधी १४ जून रोजी फिर्यादी महिलेच्या घरी बैठक चालू असताना बाचाबाची होऊन यातील आरोपींनी फिर्यादी महिलेस व तिच्या पतीस मारहाण केली.
व फिर्यादी महिलेस लाथ मारल्यामुळे तिला त्रास होऊ लागल्यामुळे तिला दवाखान्यात दाखल केले असता तिचा गर्भपात झाल्याचे डॉक्टरांनी सांगितले, असा आरोप सदर महिलेने दिलेल्या फिर्यादीत केला.
या फिर्यादीवरून आरोपी समदानी मत्तेखाणे, अंजुम मत्तेखाणे, वाहिदा पिरजादे व तौफिक पिरजादे यांच्याविरुद्ध भा.दं.वि कलम ३१५ खाली विजापूर नाका पोलीस स्टेशन येथे गुन्हा नोंद करण्यात आलेला होता.
या प्रकरणी आरोपींचा अटकपूर्व जामीन अर्ज सोलापूर सत्र न्यायालयाने फेटाळल्यानंतर आरोपींनी उच्च न्यायालयात अॅड. जयदीप माने यांच्यामार्फत मुंबई उच्च न्यायालयात अटकपूर्व जामीन अर्ज दाखल केला होता.
सदर जामीन अर्जाच्या सुनावणीवेळी आरोपींच्या वकिलांनी आपल्या युक्तिवादमध्ये फिर्यादी महिला हिला स्वतः देखील ती गरोदर असल्याचे घटना झाल्यानंतरच्या उपचारादरम्यानच कळाली आहे.
त्यामुळे आरोपींनी जाणीवपूर्वक तिला मारहाण करून तिचा गर्भपात केला असे म्हणता येणार नाही. गर्भपाताच्या गुन्ह्यात आरोपींचा गर्भपात करण्याचा उद्देश असला तरच तो गुन्हा ठरू शकतो.
या प्रकरणात आरोपींचा तसा कोणताही उद्देश आरोपींचा होता असे म्हणता येणार नाही, असा युक्तिवाद केला. गर्भपातच्या प्रकरणात आरोपींचा उद्देश अत्यंत महत्त्वाचा असतो, असे महत्त्वपूर्ण मत व्यक्त करून न्यायमूर्तींनी सर्व आरोपींची अटकपूर्व जामिनावर मुक्तता केली. या प्रकरणी आरोपींतर्फे अॅड. जयदीप माने, अॅड. विलासिनी बी. यांनी तर सरकारतर्फे अॅड. एस. एच. यादव यांनी काम पाहिले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
