टीम मंगळवेढा टाईम्स ।
घरासमोर हँडल लॉक करुन लावलेली ३५ हजार रुपये किंमतीची बुलेट मोटर सायकल चोरट्याने पळवून नेल्याचा प्रकार घडला असून या प्रकरणी अज्ञात चोरट्याविरुध्द गुन्हा दाखल झाला आहे.
पोलीस सुत्रांनी दिलेली माहिती अशी, यातील फिर्यादी दिलीप वाडेकर हे दि. १६ रोजी रात्री १२.३० वाजता जुना ढवळस मार्गावर असलेल्या वाडेकर वस्ती येथील घरासमोर
मोटर सायकल क्रमांक एम.एच. १३ सी.एक्स. ४९४९ ही हँडल लॉक करुन लावून झोपी गेले होते. दुसऱ्या दिवशी सकाळी ६.३० वाजता उठून घराबाहेर आल्यावर फिर्यादीस लावलेल्या ठिकाणी त्यांची मोटर सायकल दिसून आली नाही.
या मोटर सायकलचा मुलाने व फिर्यादीने सर्वत्र शोध घेतला मात्र ती मिळून आली नसल्याने फिर्यादीची खात्री पटली की, चोरट्याने मोटर सायकल चोरुन नेली असल्याचे फिर्यादीत म्हटले आहे. अधिक तपास पोलीस करीत आहेत.
मंगळवेढ्यातील डॉक्टरची मोटारसायकल चोरट्यांनी पळविली; पोलीस ठाण्यात गुन्हा दाखल
मंगळवेढा शहरातील मित्रनगर येथून घरासमोर लावलेली एका डॉक्टरची मोटारसायकल अज्ञात चोरट्यांनी पळविली आहे.
या घटनेची हकीकत अशी, यातील फिर्यादी डॉ.निखिल जोशी हे मंगळवेढा ग्रामीण रुग्णालयात सेवेत आहेत.
त्यांचा मोठा भाऊ शेती व्यवसाय करत असल्याने घरगुती वापरासाठी फिर्यादीच्या नावावर असलेली मोटारसायकल (क्र. एमएच १३ एवाय ६६४६) दि. ६ नोव्हेंबर रोजी रात्री ९.५० वाजता
अॅड. योगेश जाधव (रा. मित्रनगर) येथे त्यांच्या घरी आजी आजारी असल्याने औषधोपचार करण्याकरिता फिर्यादी लावून गेले होते.
सदर लावलेल्या ठिकाणी पुन्हा मोटारसायकल दिसून आली नाही. मंगळवेढा शहर व परिसरात तिचा शोध घेतला; मात्र ती मिळून न आल्याने चोरट्याने चोरून नेल्याची खात्री पटल्याने अज्ञात चोरट्याविरुद्ध गुन्हा दाखल करण्यात आला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
