टीम मंगळवेढा टाईम्स ।
मंगळवेढा तालुक्यातील भोसे ग्रामपंचायतीचे सदस्य श्रीमती विमल भारत लोहार यांचे सदस्यत्व रद्द करण्याचा मंगळवेढा न्यायालयाचे दिवाणी न्यायाधिश श्रीमती गंगवाल-शहा यांनी निर्णय दिला.
यातील सविस्तर वृत्त असे, भोसे ग्रामपंचायतीची सार्वत्रिक निवडणुक सन २०२०-२१ मध्ये जाहीर झाली होती. सदर निवडणुकीमध्ये प्रभाग कं. ५ मध्ये सौ.सुहासिनी कर्मवीर औताडे, विमल भारत लोहार यांनी नागरीकांचा मागास प्रवर्ग स्त्री राखीव या जागेकरीता अर्ज भरला होता.
सदर निवडणुकीत विमल भारत लोहार यांनी सौ.सुहासिनी कर्मवीर औताडे यांच्याकडे शौचालय नाही असा बनावट स्वरुपाचा दाखला घेवून सुहासिनी कर्मवीर औताडे यांचे अर्जावर हरकत घेतली होती
व सोबत अर्जदाराकडे शौचालय नाही असा बनावट व खोटा दाखला तयार करुन दाखल करण्यात आला.
परंतू महाराष्ट्र शासन ग्रामविभाग, शासन निर्णय कं. आर.टी.एस. २०१८ प्र.कं १४५/ आस्था. ५ दि. १३ फेब्रुवारी २०१९ या परीपत्रकाव्दारे दाखला देणे बंद केलेले आहे,
याची माहिती व जाणीव असताना देखील तसेच अर्जदाराने स्वतःचे प्रतिज्ञापत्र अर्जासोवत दाखल केलेले असताना देखील तत्कालीन निवडणुक निर्णय अधिकारी श्री. खेताडे यांनी सुहासिनी औताडे यांचा अर्ज अवैध ठरविलेला होता.
ग्रामपंचायत निवडणुकी दरम्यान सदर बनावट दाखले केल्यामुळे निवडणुक अर्ज अवैध ठरविल्याचे प्रकरण संपूर्ण तालुक्यात चर्चेचा विषय झाला होता.
त्यानंतर सौ. औताडे यांनी मुंबई उच्च न्यायालयात धाव घेतली होती. मुंबई उच्च न्यायालयाने सदर प्रकरणी दिवाणी न्यायालयात दाद मागण्याबाबत आदेश केला होता,
तसेच प्रभारी ग्रामसेवक दत्तात्रय इंगोले यांनी आपण सदरचे दाखला दिले नसल्याचा अहवाल जिल्हाधिकारी यांचेकडे सादर केला होता, त्यामुळे इंगोले यांच्या स्वाक्षरीचे बोगस दाखले दाखल केलेल्या उमेदवारावर गुन्हे दाखल करण्याबाबत आदेश करण्यात आला होता.
सौ.सुहासिनी औताडे यांच्याकडे भोसे व घेरडी या दोन्ही ठिकाणी घरे असुन दोन्ही ठिकाणी शौचालये असल्याची नोंद असताना तसेच सन २०१५-२०२० या कालावधीत सुहासिनी औताडे यांचे पती कर्मवीर तुळशीराम औताडे हे भोसे ग्रामपंचायतीचे सदस्य होते. तरी देखील शौचालय नसलेबाबत बनावट दाखले तयार करुन दाखल करण्यात आले होते.
सदर कामी सुहासिनी औताडे यांनी दिवाणी न्यायालय, मंगळवेढा येथे भोसे ग्रामपंचायत अर्जदाराचे नामनिर्देशनपत्र नामंजूर केल्याचा निर्णय रद्द करणेबाबत याचीका दाखल केली होती. सदर याचीकेवर सुनावणी घेण्यात आली.
सुनावणी दरम्यान सौ.औताडे यांचेकडे शौचालय असलेबाबत सर्व कागदपत्रे न्यायालयासमोर हजर केले तसेच सदर कामी दोन्ही बाजुकडील तसेच विद्यमान ग्रामसेवकांच्या साक्ष नोंदविण्यात आली.
सदर सुनावणी दरम्यान विमल भारत लोहार यांनी हरकत अर्जासोबत बनावट व बोगस दाखले दिल्याचे सिद्ध झाल्याने मंगळवेढा न्यायालयाचे न्यायाधिश श्रीमती गंगवाल-शहा यांनी
सदर प्रकरणी भोसे ग्रामपंचायतीच्या निवडणुकीतील निवडणुक निर्णय अधिकारी यांचा आदेश अयोग्य असल्याचे जाहीर करुन विमल भारत लोहार यांची ग्रामपंचायतीच्या सदस्य पदी झालेली निवड रद्द करणेचा आदेश केला आहे. सदर निर्णयामुळे बनावट कागदपत्रे तयार करणाऱ्या व्यक्तींना आळा बसणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
