टीम मंगळवेढा टाईम्स ।
डेक्कन शुगर टेक्नॉलॉजी असोसिएशन ऑफ इंडिया, पुणे या संस्थेकडून आरोग्य मंत्री डॉ.तानाजी सावंत यांच्या मार्गदर्शनाखाली कार्यरत असलेल्या भैरवनाथ शुगर उद्योग समूहास सन २०२३ चा औद्योगिक उत्कृष्टता पुरस्काराने गौरविण्यात आले.
या पुरस्काराचे वितरण राज्याचे आरोग्यमंत्री तानाजी सावंत यांच्या हस्ते करण्यात आले. भैरवनाथ शुगरचे चेअरमन प्रा.शिवाजीराव सावंत, व्हॉइस चेअरमन अनिल सावंत, कार्यकारी संचालक पृथ्वीराज सावंत आदी उपस्थित यांनी हा पुरस्कार स्वीकारला.
पुणे येथे रविवारी डेक्कन शुगर या संस्थेचे वार्षिक अधिवेशन झाले. या अधिवेशनात पुरस्काराचे वितरण करण्यात आले.
भैरवनाथ शुगर उद्योग समुहाने अल्पावधीत साधलेल्या प्रगतीचे मूल्यमापन करून भैरवनाथ शुगर उद्योग समूहाची या पुरस्कारासाठी सर्वानुमते निवड करण्यात आली होती. व्हा.चेअरमन अनिल सावंत यांच्या नेतृत्वाखाली कारखान्याने मोठी प्रगती साधली आहे.
यावेळी कारखान्याचे जनरल मॅनेजर बाळासाहेब शिंदे, वर्क्स मॅनेजर पोकळे, मुख्य शेती अधिकारी शिवाजी चव्हाण, शेती अधिकारी कृष्णदेव लोंढे, वित्त अधिकारी देवानंद पासले,
डेक्कन शुगरचे अध्यक्ष एस. एस. भड, साखर संघाचे उपाध्यक्ष सोहन शिरगावकर, व्यवस्थापकीय संचालक संजय खताळ, नॅशनल फेडरेशन, नवी दिल्लीचे व्यवस्थापकीय संचालक आदी उपस्थित होते.
डेक्कन शुगर टेक्नॉलॉजी असोसिएशन ऑफ इंडिया, पुणे ही संस्था देशातील सर्व खासगी व सहकारी साखर कारखान्यांना मार्गदर्शन करणारी संस्था आहे.
या संस्थेच्या माध्यमातून साखर कारखानदारीतील आधुनिक तंत्रज्ञानासंबंधी मार्गदर्शक पुस्तिकांचे प्रकाशन केले जाते तसेच कारखान्याचे अधिकारी व कर्मचारी यांच्याकरिता प्रशिक्षण आयोजित करून मार्गदर्शन केले जात आहे.
या संस्थेमार्फत प्रतिवर्षी देशातील खासगी व सहकारी साखर कारखान्यांचे आर्थिक, तांत्रिक व इतर मूल्यमापन करून औद्योगिक उत्कृष्टता पुरस्कारासाठी निवड करण्यात येते.
डेक्कन शुगरच्या कमिटीने सन २०२३ साठी भैरवनाथ शुगर उद्योग समुहाने अल्पावधीत साधलेल्या प्रगतीचे मूल्यमापन करून कारखान्याची या पुरस्कारासाठी सर्वानुमते निवड केली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
