आरोग्याची वारी पंढरीच्या दारी! तीन दिवसात दोन हजार डॉक्टरांच्या मदतीने दहा लाख भाविकांची तपासणी होणार, पुढील सर्जरीची सोय देखील मोफत; प्रा.शिवाजीराव सावंत यांची माहिती

टीम मंगळवेढा टाईम्स ।

दिनांक २२ नोव्हेंबर ते २४ नोव्हेंबर दरम्यान तीन दिवस कार्तिकी वारीच्या निमित्ताने येणाऱ्या वारकऱ्यांची महाआरोग्य शिबिरात सर्वरोग निदान तपासणी करण्यात येणार असून,

एकाच ठिकाणी औषधोपचार व विविध तपासण्या करून गरज असल्यास पुढील सर्जरीची सोय सुद्धा मोफत केली जाणार असल्याची माहिती शिवसेनेचे जिल्हा संपर्क प्रमुख प्रा.शिवाजीराव सावंत यांनी दिली.

महाआरोग्य शिबिरासाठी पंढरपूरच्या ६५ एकर क्षेत्रात आरोग्य मंडप करण्यात आला असून, या ठिकाणी जवळपास दोन हजार डॉक्टरांच्या मदतीने व किमान ५००० स्वयंसेवक शिवसैनिकांच्या मदतीने दहा लाख रुग्णांची तपासणी केली जाणार आहे.

तपासणी केल्यानंतर रुग्णांना सर्व प्रकारच्या औषधी मोफत दिल्या जाणार आहेत. चष्म्याची वाटप केले जाणार आहे. सोनोग्राफी एक्सरे, हृदयरोग तपासणी, शुगर तपासणी आदी तपासणी मोफत केली जाणार आहे.

विठुरायाच्या दर्शनासाठी संपूर्ण महाराष्ट्राच्या कानाकोपऱ्यातून येणाऱ्या भाविकांसाठी या ठिकाणी मोफत जेवणाची, नाश्त्याची सोय करण्यात आली आहे.

जवळपास तीन हजार शौचालय उभी करण्यात आली आहे. दरम्यान उपमुख्यमंत्री देवेंद्र फडवणीस व अजितदादा पवार हे दोघेही या कार्यक्रमाच्या उद्घाटनाला येणार आहे.

आरोग्यमंत्री प्रा.तानाजीराव सावंत यांच्या नेतृत्वाखाली या आरोग्य शिबिराचे आयोजन करण्यात आले आहे. वर्षी आषाढी वारीतही अशाच प्रकारचे शिबिर तीन ठिकाणी घेण्यात आले होते. तुळजापूर येथे नवरात्रात तीन दिवस मोठे आरोग्य शिबीर घेण्यात आले.

आरोग्य शिबिराची दखल ग्रिनीज बुक ऑफ वर्ल्ड रेकॉर्डमध्ये घेण्यात आली आहे. यावेळी शिवसेनेचे जिल्हा संपर्क प्रमुख प्रा.शिवाजीराव सावंत यांनी ६५ एकरातील महाआरोग्य शिबिराच्या स्थळाची पाहणी केली.

त्यावेळी त्यांच्यासमवेत जिल्हा आरोग्य अधिकारी डॉ.संतोष नवले, जिल्हा प्रजनन व बाल आरोग्य अधिकारी डॉ.अनिरुद्ध पिंपळे, महा आरोग्य शिबिराचे नोडल अधिकारी डॉ.दीपक धोत्रे, सबनोडल अधिकारी डॉ.निखिल जोशी, सांख्यिकी अधिकारी हेमंत पवार आदी उपस्थित होते.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज