मंगळवेढ्यात वाळू उपसा केंद्राची मान्यता तात्पुरती स्थगित, नियमानुसार उपसा होत नसल्याचा ठपका; वाळू डेपोवर बुकिंग नसलेली वाहने आढळली; उत्खनन क्षेत्राची सीमा ओलांडली

मंगळवेढा टाइम्स न्युज नेटवर्क। 

नदीपात्रात वाळू उपसा करताना त्याठिकाणी सीसीटीव्ही असणे बंधनकारक असताना मंगळवेढा तालुक्यातील बठाण येथील वाळू उपसा केंद्रावर सीसीटीव्ही असूनही त्याचे दृश्य मात्र स्क्रीनवर दिसत नव्हते.

यासह इतर कारणांसाठी जिल्हाधिकारी कुमार आशीर्वाद यांनी बठाण वाळू उपसा केंद्राची मान्यता तात्पुरती स्थगित करून चौकशी करण्याचे आदेश दिले आहेत.

जिल्हाधिकाऱ्यांनी मंगळवेढा तालुक्यातील मौजे बठाण येथील वाळू उपसा केंद्राची मान्यता स्थगित करत नियमानुसार उपसा होत नसल्याचा ठपका संबंधित ठेकेदारावर ठेवण्यात आला आहे.

याप्रकरणी जिल्हाधिकाऱ्यांनी उपविभागीय अधिकाऱ्यांना चौकशी करण्याचे आदेश दिले असून, चौकशी अहवाल तातडीने सादर करण्याची सूचनाही त्यांनी केली आहे.

दि.७ मार्च रोजी मौजे बठाण येथे वाळू उपसा केंद्राला मान्यता देऊन त्याचा ताबा संबंधित ठेकेदाराला देण्यात आला होता. वाळू डेपोवर बुकिंग नसलेली वाहने आढळून आली आहेत.

डेपोच्या ऑफिसमध्ये 5 सीसीटीव्ही कॅमेरे सुरू होते. परंतु नदीपात्रातील उत्खनन करतानाचे दृश्य स्क्रीन आढळले नाही. डेपो परिसरात वाहनांना नंबरप्लेट नसलेली वाहने होती.

तसेच सायंकाळी सहानंतर वाळू उपशाला बंदी असतानाही एक वाहन नदीपात्रात वाळू उपसा करताना आढळले.

डेपो परिसरात प्रवेश करताना दोन वाहने अधिकाऱ्यांना आढळली. त्यांच्याकडे पावतीची विचारणा केली असता, संबंधित पावतीवर मुदत संपल्याची तारीख होती. डेपो परिसरात सुरक्षा यंत्रणा नव्हती.

उत्खनन क्षेत्राची सीमा ओलांडली

• वाळू गटाच्या ठिकाणी मंजूर आदेशाप्रमाणे कोणताही फलक दिसून आला नाही. उत्खनन क्षेत्राची सीमा निश्चित करणारे खांब लावणे आवश्यक असताना ते दिसून आले नाहीत. त्याऐवजी फक्त एकच झेंडा लावलेला होता. इतर हद्दी व खुणा आढळून आल्या नाहीत.

● वाळूची वाहतूक होत असताना वाहनांतील वाळू ताडपत्री किंवा प्लास्टिक पेपरने झाकणे आवश्यक आहे. परंतु असे दिसून आले नाही. वाळू वाहतूक करणाऱ्या वाहनांची माहिती तहसील कार्यालयाला दिलेली नाहीत.

नदीपात्रात लावलेले कॅमरे रस्त्याच्या दिशेने न लावता नदीच्या दिशेने लावली आदी त्रुटी अधिकाऱ्यांच्या प्राथमिक तपासणीत आढळून आल्या. या सर्वांची चौकशी करण्याचे आदेश जिल्हाधिकाऱ्यांनी दिले आहेत.(स्रोत:लोकमत)

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज