टीम मंगळवेढा टाईम्स ।
अक्षरगंध साहित्य मंचच्या द्वितीय वर्धापनदिनानिमित्त अक्षरगंध साहित्य मंच, महाराष्ट्र राज्य नृत्य परिषद शाखा मंगळवेढा व मंगळवेढा तालुका पत्रकार संघ यांच्या संयुक्त विद्यमाने मंगळवेढा येथे ऑगस्ट अखेर अक्षरगंध साहित्य व सांस्कृतिक संमेलन होणार असून या संमेलनाच्या स्वागत अध्यक्षपदी अॅड.दत्तात्रय तोडकरी यांची निवड करण्यात आली आहे.
संयोजन समितीची बैठक क्रांतीदिनी सोमवार दि.9 ऑगस्ट रोजी सकाळी 11 वाजता प्रायमा शिक्षण संकुल येथे अक्षरगंधचे संस्थापक दिगंबर भगरे यांच्या अध्यक्षतेखाली पार पडली.
यावेळी अॅड.तोडकरी यांच्या नावाची सुचना महाराष्ट्र राज्य नृत्य परिषद शाखा मंगळवेढाचे अध्यक्ष लहू ढगे यांनी मांडली, त्यास अक्षरगंधचे जिल्हाध्यक्ष निळकंठ कुंभार यांनी अनुमोदन दिले. त्यानंतर अॅड.तोडकरी यांचा सत्कार करण्यात आला.
या बैठकीस अक्षरगंधचे तालुकाध्यक्ष प्रमोद बिनवडे, कवी हरिप्रसाद देवकर, शुभदा जोशी, कवयित्री प्रा.लता माळी, अनुराधा लवटे, विद्या माने आदि उपस्थित होेते. शेवटी स्व.संजय-सविता सार्वजनिक वाचनालयाचे अध्यक्ष राकेश गायकवाड यांनी सर्वांचे आभार मानले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
