प्रशासन कोरोना कामात व्यस्त तर मंगळवेढ्यात वाळू माफियांकडून अवैध वाळू उपसा सुरू; एकावर गुन्हा दाखल

टीम मंगळवेढा टाईम्स।

मंगळवेढा तालुक्यातील तांडोर येथील भीमा नदीपात्रातील बारभाईजवळ बेकायदा वाळू वाहतूक करणाऱ्या एका ट्रॅक्टरवर पोलिसांनी कारवाई केली. ट्रॉली व वाळू असा ७५ हजारांचा ऐवज पोलिसांनी जप्त केला.

दि.१० मे रोजी पहाटे पाचच्या सुमारास पोलिसांनी ही कारवाई केली . याप्रकरणी बाळू ऊर्फ भीमराव कृष्णा चौगुले (वय ४७ ,रा.बोराळे) याच्यावर येथील पोलिसांत गुन्हा दाखल केला आहे.

याप्रकरणी तलाठी मधू दादू वाघमोडे , रा.मंगळवेढा यांनी फिर्याद दिली . संशयित बाळू चौगुले हा तांडोर येथील भीमा नदीपात्रातून बेकायदा वाळू उपसा करुन विनाक्रमांकाच्या ट्रॅक्टरमधून नेताना पोलिसांना आढळला.

पोलिसांना पाहून तो डंपिंग ट्रॉली तेथेच सोडून ट्रॅक्टरसह पळून गेला. पोलिसांनी ७० हजारांची ट्रॉली व पाच हजारांचा वाळू जप्त केला. बाळू चौगुले याच्याविरुद्ध भादंविक कलम ३७ ९ , पर्यावरण कायदा कलम ९ व १५ नुसार गुन्हा दाखल केला आहे.

पोलिस नाईक नागनाथ निंबाळे तपास करीत आहेत. अवैध वाळू उपशाविरोधात कारवाई सुरू राहील असे पोलिसांनी सांगितले.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.