टीम मंगळवेढा टाईम्स ।
भरधाव वेगाने व निष्काळजीपणे ट्रॅक्टर चालवून स्टेअरींगवरील ताबा सुटून खड्डयात ट्रॅक्टर पलटी होवून स्वतःच्या मृत्यूस कारणीभूत ठरून ट्रॅक्टरचे 10 हजाराचे नुकसान केल्याप्रकरणी
मयत चालक गोरख पांडुरंग डोळसकर (वय 55 रा.देवडे ता.पंढरपूर) याच्याविरूध्द गुन्हा दाखल झाला आहे.
पोलिस सुत्रांनी दिलेली माहिती अशी यातील मयत तथा ट्रॅक्टर चालक गोरख डोळसकर हे दि.11 रोजी सकाळी 7.00 च्या दरम्यान सोनालिका कंपनीचा ट्रॅक्टर क्रमांक एम एच 13,ए.जे.6029 व त्याला दोन ट्रॉल्या जोडून
मरवडे ते मंगळवेढा रिलायन्स पंपाजवळील ब्रीजखालून सोलापूर टोळ नाक्याकडे जाणार्‍या बायपास रोडने हजारे यांच्या शेताजवळून जात असताना ट्रॅक्टर वेगाने व अविचाराने चालवून रोडच्या परिस्थितीकडे लक्ष न देता
स्टेअरिंगवरील ताबा सुटून रोडचे उजवे बाजूस खड्डयात पडून स्वतः गंभीर जखमी होवून मृत्यूस कारणीभूत झाल्याचे तपासिक अंमलदार सहाय्यक फौजदार नागाप्पा निंबाळे यांनी दिलेल्या फिर्यादीत म्हटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
