टीम मंगळवेढा टाईम्स ।
मंगळवेढा शहरातील रामकृष्ण नगर येथे घराच्या समोर रात्रीच्यावेळी लावलेली ५० हजार रुपये किमतीची बुलेट चोरटयाने चोरून नेल्याचा प्रकार घडला असून अज्ञात चोरटयाविरूध्द गुन्हा दाखल करण्यात आला आहे.
दरम्यान, मंगळवेढयात मोटर सायकल चोरीचे प्रमाण दिवसेंदिवस वाढत असल्याने मोटर सायकलस्वार धास्तावले आहेत.
यातील फिर्यादी नागेश ज्ञानेश्वर वाघमारे यांचा भांडी विक्री व्यवसाय असून दि.३० रोजी रात्री ९ .३० वा. एम एच १३, सी.एफ ७२७८ या क्रमांकाची ५० हजार रुपये किमतीची काळ्या रंगाची बुलेट मोटर सायकल रामकृष्ण नगर येथील घरासमोर रात्रीच्यावेळी हँडल लॉक करून लावली होती.
सकाळी ८.३० वा. लावलेली बुलेट घरासमोर दिसून आली नाही. दरम्यान ही बुलेट फिर्यादीच्या संमतीवाचून चोरून नेल्याचे दिलेल्या फिर्यादीत म्हटले आहे. अधिक तपास पोलिस करीत आहेत.
मागील महिन्यातच बायपासला फिरायला गेलेल्या सुवर्णकार जयदिप रत्नपारखी यांची हातोहात नजर चुकवून बुलेट पळवून नेली.आता चोरटयांनी आपले लक्ष बुलेटवर केंद्रीत केले आहे.
नागरिकांच्या मोटर सायकली रात्रीच्यावेळी घराच्या बाहेर लावलेल्या असतात. या वाढत्या चोऱ्यांमुळे मोटर सायकल नेमकी कोठे ठेवायची असा प्रश्न नागरिकांना पडला आहे.पोलिसांची गस्त असतानाही चोऱ्यांच्या प्रमाणात वाढ कशी होत आहे हा एक सुज्ञ नागरिकांना पडलेला मोठा प्रश्न आहे .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
