टीम मंगळवेढा टाईम्स (प्रतिनिधी):
मंगळवेढा येथील नामांकित ‘विठाई परिवार मल्टीस्टेट को-ऑप. क्रेडिट सोसायटी लि.’ यांच्या वतीने नवरात्रोत्सवाचे औचित्य साधून महिलांसाठी आयोजित करण्यात आलेली ‘भव्य दांडिया स्पर्धा’, ‘नवदुर्गा सन्मान सोहळा’ आणि ‘लकी ड्रॉ’ अत्यंत दिमाखदार व उत्साही वातावरणात पार पडला.
काल रविवार, १८ ऑक्टोबर रोजी सायंकाळी काटकर हॉस्पिटल शेजारी, दुर्गामाता नगर येथे संपन्न झालेल्या या सोहळ्यास मंगळवेढा शहर व परिसरातील महिलांनी विक्रमी गर्दी केली होती.
कार्यक्रमाचे उद्घाटन सौ. अंजलीताई आवताडे यांच्या शुभहस्ते दीपप्रज्वलनाने झाले, तर अध्यक्षस्थान मंगळवेढा नगरपरिषदेच्या नगराध्यक्षा सौ. सुनंदाताई आवताडे यांनी भूषवले.
संस्थेचे संस्थापक/अध्यक्ष स्वप्नील प्रभू काळुंगे व समस्त विठाई परिवाराच्या वतीने या भव्य उपक्रमाचे नेटके संयोजन करण्यात आले होते.
विविध क्षेत्रांतील ९ ‘नवदुर्गां’चा विशेष सन्मान
समाजात विविध क्षेत्रांत उल्लेखनीय कार्य करून आपल्या कर्तृत्वाचा ठसा उमटवणाऱ्या ९ कर्तृत्ववान महिलांचा विठाई परिवाराच्या वतीने ‘नवदुर्गा पुरस्कार’ देऊन सन्मान करण्यात आला:
सौ. दयाताई वाकडे – साहित्य क्षेत्र
सौ. सुनिता चवरे – पोलीस प्रशासन
सौ. सुषमाताई सुतार – शिक्षण क्षेत्र
डॉ. सौ. मंजिरी आसबे – वैद्यकीय सेवा
ॲड. सौ. अपर्णाताई जाधव – विधि व न्याय क्षेत्र
सौ. अरुणाताई माळी – व्यवसाय क्षेत्र
सौ. मनीषाताई मिसाळ – कृषी प्रशासन
सौ. निकीताताई जाधव – सूत्रसंचालन व निवेदिका
कु. पूजाताई चव्हाण – क्रीडा क्षेत्र
बक्षिसांची लयलूट आणि विजेत्यांची यादी
कार्यक्रमात विविध स्पर्धा व लकी ड्रॉचे आयोजन करण्यात आले होते. विजेत्या महिलांना रोख पारितोषिके व आकर्षक भेटवस्तू देऊन गौरविण्यात आले.
गरबा दांडिया स्पर्धा विजेते:
प्रथम क्रमांक (₹ १०,०००/-): गोल्डन स्टार ग्रुप
द्वितीय क्रमांक (₹ ७,०००/-): सुपर रॉकिंग वुमन ग्रुप
तृतीय क्रमांक (₹ ५,०००/-): सुपर मॉम ग्रुप
’होम मिनिस्टर – खेळ पैठणीचा’ विजेत्या:
प्रथम क्रमांक (पैठणी): सपना साळुंखे
द्वितीय क्रमांक (फॅन): रेश्मा इनामदार
तृतीय क्रमांक (इस्त्री): आशा पाटील
लकी ड्रॉ विजेत्या:
प्रथम बक्षीस (पैठणी): श्वेता सतीश मोरे
द्वितीय बक्षीस (फॅन): श्रेया जावीर
तृतीय बक्षीस (इस्त्री): दिपाली विठ्ठल ताटे
या दिमाखदार सोहळ्यास पंचायत समितीच्या सभापती सौ. दिपालीताई ताड, उद्योजिका सौ. सुप्रियाताई जगताप यांच्यासह नगरपरिषदेच्या सर्व महिला नगरसेविका आणि मान्यवर महिलांची प्रमुख उपस्थिती लाभली होती. महिलांच्या सुप्त कलागुणांना हक्काचे व्यासपीठ मिळवून देणाऱ्या या उपक्रमाचे मंगळवेढ्यात सर्वत्र कौतुक होत आहे.
कार्यक्रमाची सुरुवात प्रतिमा पूजनाने झाली त्यांनतर मान्यवरांचे सत्कार संपन्न झाले व त्यांनतर नवदुर्गांचा सन्मान मान्यवरांच्या हस्ते संपन्न झाला.
कार्यक्रम अध्यक्षा सुनंदा आवताडे म्हणाल्या की, विठाई परिवार मल्टिस्टेट ने महिलांच्या कलागुनाना वाव देण्याचे अनमोल कार्य केले आहे.नवदुर्गांचा सत्कार करून महिलांच्या कार्याचा सन्मान केल्यामुळे त्यांच्या पुढील कार्यास अजून बळ दिले आहे.
अंजलीताई आवताडे मॅडम म्हणाल्या महिलांना दिलेल्या ह्या संधीमुळे महिला सक्षम होतील तसेच त्यांच्याकडील कालागून विकसित होतील व आज खरच सर्व महिलांना नवीन रूपात पाहून नवरात्री असल्यासारखे वाटले..
दया वाकडे मॅडम म्हणाल्या विठाई परिवार मल्टिस्टेट खूप छान कार्य करत असून त्यांच्या कार्याचे कौतुक करावे तेवढे कमी आहे त्यांचे आर्थिक सोबत सामाजिक कार्य खूप मोलाचे आहे त्यांनी समाजासोबत जोडलेली कार्यामुळे आज विठाई परिवाराचे नाव सर्वदूर पसरले असून त्यांचा एकूण व्यवसाय टप्पा १५० कोटी पूर्ण झाला आहे.
पूजा चव्हाण यांनी विठाई परिवार ने एका कर्तबगार व होतकरू मुलीने केलेल्या कार्याचा सन्मान केल्याबद्दल आभार व्यक्त केले.
सुषमा अनिल सुतार मॅडम यांनी विठाई परिवार ने केलेल्या सन्मानाचे आभार मानून विठाई परिवार मल्टिस्टेट खुप मोठे कार्य करेल व भविष्यात अजून खूप मोठे नाव होईल अशा शुभेच्छा दिल्या..
या कार्यक्रमाचे सूत्रसंचालन निकिताताई जाधव यांनी केले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
