टीम मंगळवेढा टाईम्स ।
मंगळवेढा पंचायत समितीमध्ये सध्या प्रशासकीय गोंधळ उडाला असून, महत्त्वाची पदे रिक्त असल्याने कामकाजाचा पुरता बोजवारा उडाला आहे.
गटविकास अधिकारी (BDO) डॉ. जस्मिन शेख या वैद्यकीय रजेवर गेल्याने त्यांच्या जागी कायमस्वरूपी नियुक्ती करण्याऐवजी अतिरिक्त कार्यभाराचा खेळ सुरू आहे.
रजेमुळे पेच: डॉ.शेख रजेवर गेल्याने सुरुवातीला मोहोळचे BDO विजयकुमार देशमुख यांच्याकडे पदभार होता. मात्र, ते देखील ‘पंचायत राज’ तपासणी पथकात गेल्याने आता हा पदभार बालविकास प्रकल्प अधिकाऱ्यांकडे सोपवण्यात आला आहे.
एक अधिकारी, तीन जबाबदाऱ्या: सध्याच्या प्रभारी अधिकाऱ्याकडे आधीच स्वतःचा विभाग आणि मोहोळचा पदभार असताना, आता मंगळवेढ्याचा अतिरिक्त भार आल्याने एकाच व्यक्तीवर तीन विभागांची जबाबदारी आली आहे.
कामांचा खोळंबा: यामुळे मनरेगा, घरकुल, पाणीपुरवठा, आरोग्य आणि शिक्षण विभागातील महत्त्वाची देयके रखडली आहेत.
नागरिकांचे हाल
ऐन उन्हाळ्यात पाणीपुरवठा आणि इतर अत्यावश्यक कामांसाठी येणाऱ्या नागरिकांना तासनतास ताटकळत बसावे लागत आहे. डिजिटल स्वाक्षरी आणि तांत्रिक मान्यतेअभावी विकासकामे ठप्प झाली असून, प्रशासनाने याकडे गांभीर्याने लक्ष देण्याची मागणी जोर धरत आहे.
पाठपुरावा सुरू
मंगळवेढा पंचायत समितीमध्ये अधिकारी व कर्मचारी यांच्या संदर्भात आमदार समाधान आवताडे यांच्या मार्गदर्शनाखाली शासन स्तरावर पाठपुरावा सुरू आहे.- दीपाली ताड, सभापती,
कामकाजाचा मोठा खोळंबा
मंगळवेढा तालुक्यातील जनतेचे अनेक प्रश्न पंचायत समिती स्तरावर प्रलंबित आहेत. प्रभारी राजमुळे कामकाजाचा मोठा खोळंबा झाला असून शासनाने तात्काळ पूर्णवेळ अधिकारी नियुक्त करावा.”— सुरेश कांबळे, सदस्य, पंचायत समिती.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
