मंगळवेढा टाईम्स न्युज नेटवर्क।
काल सोमवारी शाळेचा पहिला दिवस. बच्चे कंपनी उत्साहात शाळेत गेली. मात्र सांगोला तालुक्यातील गळवेवाडी येथील दोन चिमुकल्यांवर याच दिवशी काळाने घाला घातला. एका चिमुकल्याचा हा शाळेचा शेवटचाच दिवस ठरला…
अवघे गळवे कुटुंब दुःखाच्या खाईत लोटले गेले… भावाला शाळेतून परत घेऊन येताना दुचाकी-ट्रकच्या धडकेत चुलत बहीण-भाऊ ठार झाले. सोमवारी सायंकाळी साडेचारच्या सुमारास सांगोला तालुक्यातील सोनंद ते गळवेवाडी रस्त्यावरील शेख वस्ती येथे ही दुर्घटना घडली.
गुरूप्रसाद रमेश गळवे (वय १३) व त्याची चुलत बहीण पल्लवी चंद्रकांत गळवे (वय १८) अशी मृत बहिण-भावडांची नावे आहेत. त्यांच्या मृत्यूमुळे गावात हळहळ व्यक्त केली जात होती.
काल सोमवारी शाळा सुरू झाली. गुरूप्रसाद हा सोनंद हायस्कूलमध्ये आठवीत शिकत होता. तो पहिल्याच दिवशी अतिशय उत्साहाने शाळेत गेला होता. त्याला शाळेतून आणण्यासाठी चुलत बहिण पल्लवी गळवे ही दुचाकीने सोनंद येथे गेली होती.
हे दोघे दुचाकीने (एमएच ४५ एच ४४२६) परतत असताना शेख वस्ती येथे समोरून आलेल्या ट्रकने (केए ११-४०८४) त्यांच्या दुचाकीला जोरदार धडक दिली. त्यात ट्रकच्या चाकाखाली येऊन दोघांचा जागीच मृत्यू झाला.
अपघातानंतर ट्रकचालक वाहन तेथेच सोडून फरार झाला. तर परिसरातील लोकांनी पोलिसांना माहिती देऊन बहिण-भावाचे मृतदेह रुग्णालयात नेले. पोलिसांनी अज्ञात चालकाविरुद्ध अपघात व मृत्यूस कारणीभूत ठरल्याची फिर्याद नोंदवली आहे. तपास सांगोला पोलिस करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
