टीम मंगळवेढा टाईम्स ।
मंगळवेढा शहरातील बोराळे नाक्यावर एका अज्ञात तरूणाचा गटारीत पडून मृत्यू झाल्याची घटना वृत्तपत्र व सोशल मिडीयावर प्रसिध्द होताच त्या मृतदेहाची ओळख पटली असून नातेवाईक मिळाले आहेत.
त्या मृत व्यक्तीचे सुनिल शंकर मुदगूल (वय ४५ रा . भाळवणी) असे नाव आहे दरम्यान मंगळवारी सायंकाळी ६.०० वा . मृतदेह नातेवाईकांच्या ताब्यात देण्यात आल्याचे पोलिस सुत्रांकडून सांगण्यात आले.
बोराळे नाक्यावर दि. १८ रोजी सकाळी ११.०० वा . त्यातील खबर देणारे दशरथ चव्हाण यांना नागोबा मंदिराजवळील गटारीमध्ये एक अनोळखी तरूण मृतावस्थेत पडलेला दिसून आला होता.
याची खबर पोलिसात दाखल होताच पोलिसांनी नातेवाईकांचा शोध घेतला मात्र ते मिळून आले नाहीत.
या घटनेचे वृत्त प्रसिध्दी माध्यमांमधून प्रसिध्द होताच मंगळवारी सकाळी ६.०० वा . नातेवाईक मंगळवेढा पोलिस स्टेशनला हजर झाले.
तपासिक अंमलदार सहाय्यक पोलिस निरिक्षक अंकुश वाघमोडे यांनी मृताची पत्नी सुरेखा मुदगूल, आई कमलाबाई मुदगूल यांचा सविस्तर जबाब नोंदविला असून
याती नातेवाईकांचे म्हणणे असे होते की , सुनिलला दारू पिण्याचे व्यसन होते त्यामुळे तो दारूच्या नशेत गटारीच्या पाण्यात पडून मयत झाला असावा असा कयास नातेवाईकांनी व्यक्त केला.
सकाळी ग्रामीण रुग्णालयात मृतदेहाचे शवविच्छेदन करून तेथील डॉक्टरांनी व्हिसेरा, एच.पी.व ब्लड तपासणीसाठी राखून ठेवले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
