टीम मंगळवेढा टाईम्स।
मोबाईलमधील ड्रीम इलेवन या गेममधून मिळालेली १ लाखाची रक्कम चुलत भावाने न दिल्याने डोक्यावर कुऱ्हाडीने घाव घालून सचिन सिद्धेश्वर वरकुटे या २२ वर्षीय तरुणाचा निर्घृण खून केला.
यातील आरोपी विजय नामदेव वरकुटे (वय १८ वर्षे ५) याने स्वतःहून डीवायएसपी कार्यालयात हजर होऊन खुनाची कबुली दिली आहे.
अकोला येथील वरकुटे वस्ती येथे राहणारे सचिन व विजय हे दोघे चुलत भाऊ आहेत. यातील विजय वरकुटे हा ड्रीम ईलेवन या गेमचा शोकीन होता.
यामध्ये त्याने काही लाखांची कमाई केली होती. यातील जवळपास एक लाखाची रक्कम विजयकडून सचिनने उसने घेतले होते. एक वर्ष होऊनही सचिन ती रक्कम विजयला देत नव्हता.
दि.२२ रोजी विजय मेंढ्यांसाठी चारा आणण्यासाठी शेताकडे कुन्हाड घेऊन गेला होता. यावेळी विजयने फोन करून सचिनला बोलवून रक्कम कधी देतो असे विचारले त्यावर मी देत नसतो,
असे म्हणाला व विजयच्या बोलण्याकडे दुर्लक्ष करून मोबाईलमध्ये बघत बसला. यावेळी सचिनने हातातील कुऱ्हाडीने जोराचा घाव घातला.
पहिल्या घावात डोक्याच्या उजव्या भागाची कवटी फुटली तर दुसरा घाव गळ्यावर घातला, तो गतप्राण झाला. तत्काळ घटनास्थळी डीवायएसपी राजश्री पाटील व पोलीस निरीक्षक रणजित माने हे हजर झाले.
त्यावेळी उसाच्या शेतात सचिन वरकुटे याचा मृतदेह दिसून आला. मंगळवेढा पोलिसांनी सर्व प्रकारच्या शक्यतेचा विचार करुन पोलीस अधीक्षक तेजस्वी सातपुते व अप्पर अधीक्षक हिम्मत जाधव यांच्या मार्गदर्शनाखाली तत्काळ पथके तयार केली.
मयताचे व संशयित व्यक्तीचे मोबाईल सीडीआर व लोकेशन मिळवून तपास सुरू केला. दरम्यान, आरोपी स्वतःहून हजर झाला. पुढील तपास सहायक पोलीस निरीक्षक अंकुश वाघमोडे हे करीत आहेत.
ड्रीम इलेव्हन काय आहे
ड्रीम इलेव्हन एक मोबाईल अँप आहे. या अँपद्वारे कोणत्याही सामन्याआधी आपली आवडती प्लेइंग इलेव्हन निवडायची असते. जितके जण या अॅपद्वारे टीम निवडतात, त्यांच्या पॉइंट्सच्या रैंकिंगच्या आधारावर त्यांना पैसे मिळतात.
या अॅपद्वारे क्रिकेट व्यतिरिक्त इतर खेळांमध्येही बेस्ट प्लेइंग टीम निवडता अनेक जण पॉइंट्स जमवतात येते. यातून आणि पैसे मिळवतात. अनेक तरुण या गेमच्या आहारी गेले आहेत.
सदरची कामगिरी पोलीस अधिक्षक तेजस्वी सातपुते, अप्पर पोलीस अधिक्षक हिंमत जाधव, उपविभागीय पोलीस अधिकारी राजश्री पाटील यांचे मार्गदर्शनाखाली पोलीस निरीक्षक रणजित माने, सपोनि सत्यजित आवटे, सपोनि अंकुश वाघमोडे, पोसई सौरभ शेटे , सपोफी अविनाश पाटील , सपोफी दत्तात्रय तोंडले , पोहेकॉ अर्जुन मुळे पोहेकॉ श्रीमंत पवार , पोना विठ्ठल विभुते,
पोना दयानंद हेंबाडे , पोहेकॉ विक्रम वाघमारे पोकॉ राजु आवटे यांनी सदर गुन्ह्याचे तपास कामी मदत केली आहे .
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
