टीम मंगळवेढा टाईम्स ।
सध्या युक्रेन व रशिया या दोन देशातील युध्दामुळे विमानसेवा ठप्प झाल्याने अडकून पडलेल्या तालुक्यातील पाच विद्यार्थ्यी मंगळवेढयात घरी परतले आहेत.
या विद्यार्थ्यांची भेट तहसीलदार स्वप्नील रावडे यांनी त्यांच्या घरी जाऊन भेट घेतली आहे.
आ.समाधान आवताडे यांनी मंगळवेढ्यातील विद्यार्थी पुण्यात आल्याचे माहिती मिळताच त्यांनी जाऊन तिथे भेट घेतली व विचारपूस केली.
तहसीलदार स्वप्नील रावडे बोलताना म्हणाले की, युक्रेन येथून आलेले विद्यार्थी व पालक यांच्या घरी जाऊन आज भेट घेतली असून त्यांना येणाऱ्या समस्या दूर करण्यासाठी प्रशासन त्यांच्या सोबत असेल असे ते म्हणाले.
याप्रसंगी मंगळवेढा तलाठी उमेश सूर्यवंशी उपस्थित होते.
वैद्यकीय शिक्षणासाठी युक्रेनला गेलेल्या तालुक्यातील अभिजीत काका चव्हाण (आंधळगाव), प्रथमेश अनिल माने (दामाजीनगर), प्रथमेश शिवाजी कांबळे (ब्रम्हपुरी), रितेश बाजीराव गवळी (भालेवाडी), प्राजक्ता दादा भोसले (नागणेवाडी) यांनी एमबीबीएस या वैद्यकीय शिक्षणासाठी युक्रेन मधील दनिप्रो मेडिकल इंस्टिट्यूट मध्ये प्रवेश घेतला होता.
यातील काही पहिल्या व काही तिसऱ्या वर्षाला शिकत होते. रशिया आणि युक्रेन यांच्या वादात सुरू झालेल्या युद्धामुळे त्या मुलांनी मायदेशी परत येण्यासाठी 27 फेब्रुवारी चे विमान तिकीट बुक केले परंतु युध्दामुळे विमानसेवा बंद झाल्यामुळे त्यांना तिथेच अडकून राहावे लागले होते.
युक्रेनमधून त्यांनी बाराशे किलोमीटरचा बस द्वारे व 2 किलोमीटर चालत प्रवास करून रोमानिया मध्ये प्रवेश घेतला व त्या ठिकाणी सुरक्षित थांबले त्यांना सुचेवा विमानतळावरून विमानसेवा उपलब्ध झाल्यामुळे रात्री नऊ वाजण्याच्या सुमारास
भारतीय प्रमाण वेळेनुसार 12.30 वाजता हे विमान निघाले होते ते दिल्ली येथे दु.12 वा पोहोचले यामध्ये मंगळवेढ्यातील पाच विद्यार्थ्यांसह पुणे सांगोला मुंबई सांगली येथील विद्यार्थ्यांचा यामध्ये समावेश आहे.
आ. समाधान आवताडे यांनी मुंबई येथे विरोधी पक्षनेते देवेंद्र फडणवीस भेट घेऊन परराष्ट्र मंत्रालयाच्या माध्यमातून युक्रेन मध्ये अडकलेल्या विद्यार्थ्यांना सुखरूप मायदेशी परत आणण्याबाबत विनंती केली होती.
दरम्यान, मुले सुखरूप आल्यामुळे पालकांच्या चेहऱ्यावर हास्य पसरले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
