टीम मंगळवेढा टाईम्स ।
मंगळवेढा तालुक्यातील डोंगरगाव येथील एका विनयभंग घटनेतील आरोपी दर्लिंग नारायण क्षीरसागर याने पोलिसांनी अटक करू नये यासाठी विषारी किटकनाशक सेवन करून मंगळवेढा पोलिस ठाण्याच्या आवारात आत्महत्या करण्याचा प्रयत्न केला.
ही घटना परवा घडली असून त्याला उपचारासाठी शासकीय रुग्णालयात दाखल करण्यात आले आहे.
या घटनेची हकिकत अशी, यातील आरोपी दर्लिंग क्षीरसागर याच्यावर मागील आठवडयात डोंगरगाव येथील एका महिलेने विनयभंग व जातीवाचक
शिवीगाळ केल्याची तक्रार त्याच्याविरूध्द गुन्हा दाखल झाला होता.
पोलिसांनी त्याला चौकशीसाठी पोलिस ठाण्यात बोलावले होते. येताना तो ज्या दुचाकीवरून आला त्या दुचाकीच्या डिकीत किटकनाशकची बॉटल आणली होती.
पोलिस स्टेशनच्या आवारात आल्यानंतर त्याने किटकनाशक प्राशन केले.तात्काळ पोलिसांनी सतर्कता दाखवत त्याला उपचारासाठी शासकीय रुग्णालयात दाखल केले.या घटनेचा तपास सहाय्यक पोलिस निरिक्षक भगवान बुरसे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
