टीम मंगळवेढा टाईम्स ।
सोलापूर शहर व जिल्ह्यात सध्या कोरोनाचा संसर्ग झपाट्याने वाढत चालला आहे. त्यामुळे नव्या रुग्णांबरोबर आता मृतांचे प्रमाणही वाढले आहे. मंगळवेढा तालुक्यात काल 56 जणांना कोरोनाची लागण झाली आहे तर बोराळे गावातील 65 वर्षीय पुरुषाचा मृत्यू झाला आहे.
शनिवारी एकाच दिवसात सोलापूर जिल्ह्यात 18 जणांचा मृत्यू झाला आहे. त्यामध्ये शहरातील 11 तर ग्रामीण भागातील 7 जणांचा समावेश आहे.
नव्याने 1 हजार 77 रुग्णांची भर पडली आहे. 658 जण कोरोनामुक्त होऊन घरी परतले आहेत.आणखी 489 जणांचे अहवाल प्रलंबित आहेत.
शनिवारी ग्रामीण भागातील 7 हजार 725 जणांची तपासणी करण्यात आली. त्यापैकी 7 हजार 11 जणांचे अहवाल निगेटिव्ह, तर 714 जण कोरोना पॉझिटिव्ह आढळून आले आहेत. 451 जण कोरोनामुक्त होऊन घरी परतले आहेत.
सोलापूर शहरातील 2,435 जणांची कोरोना तपासणी करण्यात आली. त्यापैकी 2,072 जणांचे अहवाल निगेटिव्ह, तर 363 कोरोना पॉझिटिव्ह आढळून आले आहेत. 207 जण कोरोनामुक्त होऊन घरी परतले आहेत.
कोरोनामुळे ‘या’ ग्रामीण भागातील मृत्यू
मंगळवेढा तालुक्यातील बोराळे येथील 65 वर्षीय पुरुष, तांदुळवाडी (ता. माळशिरस) येथील 67 वर्षीय महिला, कुरघोट (ता. दक्षिण सोलापूर) येथील 62 वर्षीय पुरुष, मालवंडी (ता. बार्शी) येथील 75 वर्षीय महिला, चोरमले प्लॉट येथील 80 वर्षीय महिला, दर्गनहळ्ळी (ता. दक्षिण सोलापूर) येथील 45 वर्षीय पुरुष, वासुद (ता. सांगोला) येथील 60 वर्षीय पुरुषाचा समावेश आहे.
सोलापूर शहरातील उत्तर कसबा परिसरातील 75 वर्षीय महिला, न्यू पाच्छा पेठ परिसरातील 71 वर्षीय पुरुष, नडगिरी पेट्रोल पंपाजवळील 72 वर्षीय महीला, बालाजी सोसायटी, होटगी रोड येथील 72 महिला, विद्यानगर शेळगी परिसरातील 75 वर्षीय पुरुष, शिवाजीनगर बाळे परिसरातील 75 वर्षीय परुष, भारती विद्यापीठ जुळे सोलापूर परिसरातील 32 वर्षीय पुरुष, कलावतीनगर एमआयडीसी 48 वर्षीय पुरुष, दर्बी कलेक्शन रेल्वेलाईन येथील 92 वर्षीय महिला, वैष्णवी अर्पाटमेंट लक्ष्मी मार्केटजवळील 54 वर्षीय पुरुष, तर नीलमनगर येथील 70 वर्षीय महिलेचा कोरोनामुळे मृत्यू झाला आहे.
आजतागायत सोलापूर जिल्ह्यातील ग्रामीण भागातील 51 हजार 32, तर शहरातील 19 हजार 66, असे एकूण 70 हजार 38 जण कोरोनाबाधित आढळून आले आहेत. त्यापैकी ग्रामीण भागातील 1283, तर शहरातील 807, अशा एकूण 2090 जणांचा मृत्यू झाला आहे. जिल्ह्यातील ग्रामीण भागापैकी 4868, तर शहरातील 3537, अशा एकूण 8405 जणांवर विविध रुग्णालयांमध्ये उपचार सुरु आहेत. आतापर्यंत जिल्ह्यातील 44 हजार 881, तर शहरातील 14 हजार 662, असे एकूण 59 हजार 543 जण कोरोनामुक्त होऊन घरी परतले आहेत.
शनिवारी तालुकानिहाय वाढलेले रूग्ण
मंगळवेढा (56), पंढरपूर (142), बार्शी (129), माळशिरस (102), माढा (91), करमाळा (72), मोहोळ (35), उत्तर सोलापूर (27), दक्षिण सोलापूर (21), अक्कलकोट (20), सांगोला (19).
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज